ماشفتك !!     

-----------

وتقول ماشفتك ..  أنا كنت أوضح شي في الدنيا !!

 وتقول ماشفتك ..

.. متى غبت عنك علشان تقول ماشفتك !!

ابذمتك .. اتسميه بصير ويشوف اللي مايشوفني  !!

ماكنت إلا أنا .. وتقول ماشفتك !!

.. عينك وشوفك واللي شفته .. كنت انا !!

شنهو اللي لهاك  واشغلك عني :

من أول حديقة وقفت .. من أول نظرة انبهرت .. من أول جلسة نسيت ؟؟

قوم كمل الطريج .. عندي مالاعين رات ولااذن سمعت ولاخطر على قلب بشر

مقرك ومستقرك وراحتك وبيتك ووناستك .. هناك .. !!  هذا اللي وقفك واشغلك واسحرك لاشي بالنسبة للموعود .. قوم كمل الطريج ..

 لايوسوس لك ابليس

ولايغرك الشرق ورق اللماعي ..   

 الكرسي أو الفلوس ..

 الحلال ... أوالمال ..  أوالعيال !!

  اخطفوا عينك  عني واستوعبت عمرك..  ولد غشاوة على عينك وسرت الى قلبك !!

تأمل في هذي اللقطة : ....القصة ....

إشوي أبيك تنتبه !!

 كل شي اتشوفه  ويصادفك وتعيشه وتعيش معاه  ..

اهو مشروع هدايه مني لك  !!!

ماشفتني في السما والارض .. ماشفتني بالجمال اللي كنت تتمتع فيه .. بعطر الوردة وجمالها  ..  وابتسامة ولدك  .. وابجسمك ونفسك .. ماجست جلدك وتمقلت بالمنظره وتأملت في راسك وإذنك .. عبالك تحصيل حاصل !!

مع الأسف .. إنك ماشفتني مع كل هذا الوضوح !!

دير بالك .. الغشاوة تصير أسمك واثخن من تكذب وتاكل الحرام ولاتحلل ولاتحرم عبالك من سبق لبق . وبالنهاية تجني على نفسك ..

وتقول ماشفتك .. من ايدك . .  من صنعك ... من كسبك ..

ليش تجني على نفسك ..ليش ؟؟

مثل ماعشت تموت .. لاتلومني ولوم روحك .. و لاتقول :

( لم حشرتني أعمى وقد كنت بصيرا .. من كان في هذه أعمى فهو في الآخرة أعمى وأضل سبيلا ..

أبيك اتشوف قبل لاتوصل عمي !!

 انتبه .. انتبه ..انتبه ..

----

فواد عاشور – بوعيسي - 2005